INGREDIENT DE BON SAVOR
Per scriv, squasi ben in milanes
se dovaria savè on poo d'italian,
on ciccin de todesch e de frances,
ona quai paroletta in bon "vilan"
...(magari ben sortida, lì de fresch)
'na scheja penna, appenna de spagnoeu,
'na sbroffada leggera de latin
e (chissà mai) con quest, forsi se poeu
ris'cià de scriv quaicoss in meneghin.
Però, quand se tratta de poesia,
per dilla netta, quell che pussee ghe voeur,
l'è de mes' cià quell tòcch de fantasia,
con quella vos che la ven sù dal coeur.
da: El Richetto del Verzée
Nessun commento:
Posta un commento